tIcf¯n \yq\aÀ±w iàn{]m]n¡p¶p


തിരുവനന്തപുരം: മത്സ്യതൊഴിലാളികളെ ആശങ്കയിലാഴ്ത്തി കേരളത്തില്‍ ന്യൂനമര്‍ദ്ദം ശക്തിപ്രാപിക്കുന്നു. തീരദേശത്ത് ശക്തമായ തിരമാലകളും തെക്കന്‍ മേഖകളില്‍ ശക്തമായ കാറ്റുമാണ് ഇന്നലെ ഉണ്ടായത്. ശക്തമായ കാറ്റും അസ്വഭാവിക രീതിലുള്ള തിരമാലയും മത്സ്യതൊഴിലാളികളെ ആശങ്കയിലാഴ്ത്തുന്നു. ഇതിനു പുറമെ മൂടി നില്‍ക്കുന്ന കാലാവസ്ഥയും ചെറിയ തോതില്‍ കടല്‍ പ്രക്ഷുബ്ധമാകുന്നതും ആശങ്ക വര്‍ദ്ധിക്കുന്നു. ഓഖി ആഖാതത്തിനുശേഷം മത്സ്യതൊഴിലാളികളുടെ ജീവിതം സാധാരണ ഗതിയിലേക്ക് വരുന്നതിലിടയ്ക്കാണ് വീണ്ടും ന്യൂനമര്‍ദ്ദത്തിന്റെ മുന്നറിയിപ്പുകള്‍ മത്സ്യതൊഴിലാളികള്‍ക്ക് ലഭിച്ചത്. ബുധനാഴ്ചവരെ മത്സ്യതൊഴിലാളികള്‍ കടലില്‍ പോകരുത് എന്നാണ് കാലവസ്ഥാ വകുപ്പ് നല്‍കുന്ന നിര്‍ദേശം. ന്യൂനമര്‍ദ്ദത്തിന്റെ നിര്‍ദേശം ലഭിച്ചതുമൂലം സംസ്ഥാനത്ത് മൂന്ന് ദിവസമായി മത്സ്യബന്ധന മേഖലയുടെ പ്രവര്‍ത്തനം നിലച്ചിരിക്കുകയാണ്. കേരള തീരത്ത് ശക്തമായ ചുഴലിക്കാറ്റിന് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം ഇന്നലെയും മുന്നറിയിപ്പ് നല്‍കിയിരുന്നു. കന്യാകുമാരിയ്ക്ക് തെക്ക് ശ്രീലങ്കയ്ക്ക് തെക്ക് പടിഞ്ഞാറ് ഉള്‍ക്കടലില്‍ രൂപപ്പെട്ടിരിക്കുന്ന ന്യൂനമര്‍ദ്ദം ശക്തമായി നിലനില്‍ക്കുന്നുവെന്നും തീരത്ത് അതിശക്തമായ മഴയ്ക്ക് സാധ്യതയുള്ളതായും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കി.

About The Author

Related posts

Leave a Reply

Your email address will not be published. Required fields are marked *